Kmskráning
Skilmálar þjónustunnar
Útgáfa 1 · gildir frá 20. september 2026 · Þjónustuveitandi: einstaklingur með starfsemi undir heitinu Kmskráning (nánar í tilboðs- og reikningspósti).
1. Þjónustan
Kmskráning er vefþjónusta til að skrá kílómetrastöðu ökutækja með QR-kóða og halda utan um skráningar, starfsmenn, verk og útflutning gagna. Þjónustan er hýst í Microsoft Azure á Norður-Evrópusvæði (Írland).
2. Prufutími og áskrift
- Nýtt fyrirtæki fær 90 daga ókeypis prufutíma með fullri virkni. Ekkert greiðslukort er skráð og ekkert er rukkað á prufutíma.
- Í lok prufutíma velur fyrirtækið hvort það heldur áfram. Að öðrum kosti heldur skráning bílstjóra áfram í allt að 30 daga í viðbót en umsjónarsíðan biður um staðfestingu; eftir það getur þjónustuveitandi lokað aðgangi og eytt gögnum með 14 daga fyrirvara í tölvupósti.
- Áskrift er mánaðargjald sem fer eftir fjölda virkra ökutækja og er gefið upp án vsk. Verðið sést á umsjónarsíðunni áður en staðfest er. Reikningur er sendur í tölvupósti; gjalddagi 14 dagar.
- Engin binding. Uppsögn með tölvupósti eða með því að eyða fyrirtækinu á umsjónarsíðunni; greitt er fyrir yfirstandandi mánuð.
3. Aðgangur og ábyrgð notenda
- Umsjónarmenn skrá sig inn með Microsoft 365-reikningi. Fyrirtækið ber ábyrgð á hverjir eru skráðir umsjónarmenn.
- QR-kóði auðkennir ökutæki, ekki starfsmann. Starfsmaður auðkennir sig með starfsmannanúmeri. Fyrirtækið metur sjálft hvort það dugar tilgangi þess (þjónustan er hugsuð fyrir stöðu flota og km á verk, ekki sem lögformleg akstursbók).
- Óheimilt er að nota þjónustuna til að skrá ökutæki sem fyrirtækið hefur ekki umráð yfir.
4. Gögn og persónuvernd
Fyrirtækið er ábyrgðaraðili gagnanna; þjónustuveitandi er vinnsluaðili. Þessi kafli gildir sem vinnslusamningur skv. 28. gr. GDPR / laga nr. 90/2018.
- Hvað er unnið: bílnúmer, tegund, kílómetrastaða, tími skráningar, starfsmannanúmer, nafn og valfrjálst netfang starfsmanna, verknúmer, netföng og nöfn umsjónarmanna. Engin staðsetning, engin rakning.
- Tilgangur: eingöngu að veita þjónustuna. Gögn eru ekki notuð í öðrum tilgangi, ekki seld og ekki afhent þriðja aðila nema lög krefjist.
- Undirvinnsluaðili: Microsoft Ireland Operations Ltd. (Azure, gagnageymsla og keyrsla, Norður-Evrópa) og Microsoft fyrir tölvupóst (Azure Communication Services).
- Öryggi: dulkóðun í flutningi (TLS 1.2+) og hvíld, engir deililyklar, aðgangur bundinn við auðkenni þjónustunnar, aðskilnaður gagna milli fyrirtækja, atburðaskrár í 30 daga.
- Réttindi: fyrirtækið getur hvenær sem er sótt öll gögn (CSV) og eytt þeim (Stillingar → Eyða fyrirtæki). Við uppsögn er gögnum eytt innan 30 daga nema um annað sé samið.
- Öryggisbrestur: þjónustuveitandi tilkynnir fyrirtækinu án ótilhlýðilegrar tafar og eigi síðar en 48 klst. eftir að brestur uppgötvast.
- Aðstoð: þjónustuveitandi aðstoðar fyrirtækið eftir þörfum við að svara beiðnum skráðra einstaklinga og eftirlitsaðila.
5. Rekstraröryggi
- Stefnt er að 99,5% uppitíma á mánuði. Viðhald er tilkynnt fyrirfram þegar hægt er.
- Gögn eru geymd í þremur afritum í gagnaveri Microsoft. Fyrirtækið er hvatt til að sækja CSV reglulega.
- Þjónustuveitandi ber ekki ábyrgð á óbeinu tjóni; ábyrgð takmarkast við gjöld síðustu 12 mánaða.
6. Breytingar
Skilmálum má breyta með 30 daga fyrirvara í tölvupósti til umsjónarmanna. Haldi fyrirtækið áfram að nota þjónustuna eftir að breytingar taka gildi telst það samþykki.
7. Lög og varnarþing
Íslensk lög gilda. Ágreiningi skal vísað til Héraðsdóms Reykjavíkur.
Spurningar um skilmála eða persónuvernd: svaraðu velkomin-póstinum sem fyrirtækið fékk við skráningu.